Sameinaður Tón-, Leik- og Grunnskóli Mýrdalshrepps er í Vík í Mýrdal. Nemendur eru úr þorpinu og sveitinni vestan og austan Víkur.  Skólahverfið er Mýrdalshreppur.  Leikskólanemendur eru 28 talsins og starfsmenn 6. Í Tónskólanum eru 38 nemendur og 2 starfsmenn.  Grunnskólinn  er samkennsluskóli  með 72 nemendur  í  1. - 10. bekk á aldrinu 6 – 15 ára. Við Grunnskólann starfa 17 manns.

Skólastjóri er Magnús Sæmundsson, með honum starfa þrír deildarstjórar: Anna Björnsdóttir (grunnskóladeild), Halla Ólafsdóttir (eikskóladeild), Kristinn J. Níelsson (tónskóladeild).

Merki skólans er sett saman af litum regnbogans og Reynisdröngum. Það er vísun í að Grunnskóli Mýrdalshrepps byggir á traustum grunni þar sem gjöful og fögur náttúra skapar umgjörð um skapandi stofnun sem leitast við að koma til móts við fjölbreytt litróf manneskjunnar í leik og starfi.